இங்கிலாந்துக்கு எதிரான
மான்செஸ்டரில் நேற்று (21) ஆரம்பமான முதலாவது டெஸ்ட் கிரிக்கெற் போட்டியில் 41 வருடங்களாக உலக கிரிக்கட் களத்தில் ஒரு துடுப்பாட்ட வீரரால் புதுப்பிக்கப்படாத தனித்துவமான உலக சாதனையை இலங்கை வீரர் மிலான் ரத்நாயக்க புதுப்பித்துள்ளார்.
தனது அறிமுக டெஸ்ட் போட்டிக்கு பந்து வீச்சாளராக இலங்கை அணியில் இடம் ஒதுக்கிய மிலன், இந்தப் போட்டியில் 9ஆம் இலக்க துடுப்பாட்ட வீரராக களமிறங்க பெறுமதியான 72 ஓட்டங்களைப் பெற்றார்.
எந்தவித ஆரவாரமும் இன்றி இன்னிங்ஸை கட்டியெழுப்பிய மிலான் 135 பந்துகளை எதிர்கொண்டதுடன் அவரது இன்னிங்ஸில் 2 சிக்ஸர்கள் மற்றும் 6 பவுண்டரிகள் அடங்கும்.
இங்கு மிலன் அணித்தலைவர் தனஞ்சய டி சில்வா 8ஆவது விக்கெட்டுக்கு 63 ஓட்டங்களை இணைத்திருந்தார்.
மேலும், இலங்கை அணியின் ஸ்கோர் போர்டில் 176 ஓட்டங்களுக்குள் 8 விக்கெட்டுகள் வீழ்ந்திருந்த நிலையில், 9ஆவது விக்கெட்டுக்காக விஸ்வ பெர்னாண்டோவுடன் இணைந்து 50 ஓட்டங்களை இணைத்திருந்தார், அதில் அவர் 42 ஓட்டங்களுக்கு பங்களித்தார்.
இலங்கைக்கான டெஸ்ட் அழைப்பை வென்ற 166ஆவது வீரராக சர்வதேச களத்தில் இறங்கிய மிலனின் இந்த இன்னிங்ஸ், அறிமுக டெஸ்ட் போட்டியில் 9 அல்லது அதற்கும் குறைவான நிலையில் இருந்து ஒரு பேட்ஸ்மேன் எடுத்த அதிகபட்ச ஓட்டங்களாக கருதப்படுகிறது.
இதற்கு முன்பு 1983 ஆம் ஆண்டு பாகிஸ்தானுக்கு எதிரான தனது அறிமுக டெஸ்ட் போட்டியில் 71 ரன்கள் எடுத்த இந்திய வீரர் பல்விந்தர் சந்த் இந்த சாதனையை படைத்திருந்தார்.
வலது கை வேகப்பந்து வீச்சாளரான மிலன் இதற்கு முன் முதல் தர போட்டிகளில் 72 ரன்கள் எடுத்ததில்லை, மேலும் அவரது அதிகபட்ச முதல் தர இன்னிங்ஸ் 59 ஆகும், அவருக்கு இரண்டு அரை சதங்கள் மட்டுமே இருந்தன.