ஜனாதிபதித் தேர்தலை இலக்கு
வைத்து சமூக வலைதளங்கள் ஊடாக நடத்தப்படும் கருத்துக் கணிப்புகளை நிறுத்துவது தொடர்பில் தேர்தல்கள் ஆணைக்குழு கவனம் செலுத்தியுள்ளது.
அதன்படி இந்த வாரம் நடைபெறும் தேர்தல் ஆணைய கூட்டத்தில் இது குறித்து விவாதிக்க ஏற்பாடுகள் செய்யப்பட்டுள்ளன.
இந்த கணக்கெடுப்புகளால் சில வேட்பாளர்களுக்குப் பாரபட்சம் காட்டுவதாகவும் தேர்தல்கள் ஆணைக்குழு தலைவர் தெரிவித்துள்ளார்.
இந்த கருத்துக்கணிப்புகளை யார் நடத்துவது என்பது குறித்து தேர்தல் ஆணையம் ஆய்வு நடத்தி வருகிறது.
ஆய்வின் தகவல்கள் பெறப்பட்டு, இந்த கருத்துக் கணிப்புகளை நிறுத்தும் முறை குறித்து ஆணையத்தில் விவாதிக்கப்படும் என்றும் தலைவர் கூறினார்.
இலத்திரனியல் அல்லது அச்சிடப்பட்ட ஊடகங்கள் மூலம் நடத்தப்படும் கருத்துக் கணிப்புகளை நிறுத்துவது இலகுவானது எனினும், சமூக வலைதளங்கள் ஊடாக நடத்தப்படும் கருத்துக் கணிப்புகளை நிறுத்துவது இலகுவானதல்ல, ஆனால் இது தொடர்பில் விரைவான வழிமுறை தேவை என அவர் தெரிவித்துள்ளார்.
