இன்று ரணிலின் மேடையில் ஏறுகிறார் தலதா!

பதவிகளோ சலுகைகளோ வேண்டாம், நாட்டை இன்னொரு கோட்டாபயவிடமிருந்து காப்பாற்ற வேண்டுமென முன்னாள் நாடாளுமன்ற உறுப்பினர் தலதா அத்துகோரள  தெரிவித்திருந்தார்.

கோட்டாபய ராஜபக்க்ஷ எமக்கு உறுதிப்படுத்திய பயங்கரமான அனுபவத்தை நாம் வேறு பெயரில் மீண்டும் செய்யக்கூடாது என்றும் அவர் வலியுறுத்தினார்.

அந்த அவல அனுபவத்தை இந்த நாட்டு மக்களால் மீண்டும் தாங்க முடியுமா? சஜித் பிரேமதாசவுடன் தனக்கு தனிப்பட்ட பிரச்சினை இல்லையென்றாலும், தற்போதைய ஜனாதிபதித் தேர்தல் தொடர்பில் அவரது அரசியல் பார்வை மற்றும் அவரது வியூகத்தை மிகவும் ஆழமாக ஆராய்ந்தபோது பயங்கரமான உண்மையை உணர்ந்ததாக அவர் தெரிவித்தார்.