ஐக்கிய அரபு எமிரேட்சில் கேரளாவை சேர்ந்த பெக்ஸ் கிருஷ்ணன் என்பவர் செப்டம்பர் 2012 கார் ஓடியதில் விபத்தில் சூடானைச் சேர்ந்த சிறுவன் ஒருவர் பலியானார். சூடான் சிறுவனைக் கொலை செய்த குற்றவாளி என நிரூபிக்கப்பட்டதையடுத்து அவர் மரண தண்டனைக்கு உள்ளானார். ஐக்கிய அரபு எமிரேட் சுப்ரீம் கோர்ட் அவருக்கு மரண தண்டனை விதித்தது. அப்பகுதியைச் சேர்ந்த சிசிடிவி காட்சிகள் குற்றத்தை உறுதிப்படுத்தியதாக கூறப்படுகிறது.
பெக்ஸ் கிருஷ்ணனை காப்பாற்ற அவர்து உறவினர்களும், நண்பர்களும் முயற்சி செய்தனர் ஆனால் முடியவில்லை இந்த நிலையில் பாதிக்கப்பட்ட சிறுவனைன் குடும்பம் ஏற்கனவே ஐக்கிய அரபு எமிரேட்டை விட்டு வெளியேறி மீண்டும் சூடானுக்கு இடம் பெயர்ந்தது, இதனால் எந்தவொரு மன்னிப்பும் கேட்க முடிய வில்லை .
இதை தொடர்ந்து பின்னர் கிருஷ்ணன் குடும்பத்தினர் தொழில் அதிகர் யூசுப் அலியை அணுகினர்.லூலூ குழுமத்தின் தலைவரான யூசுப் அலி சிறுவனின் குடும்பத்திற்கு கிட்டத்தட்ட 1 கோடி ரூபாய் இழப்பீடு அல்லது 'இரத்த பணம்' செலுத்திய பின்னர் கேரளாவில் உள்ள தனது சொந்த ஊருக்குத் திரும்பத் தயாராகி வருகிறார் கிருஷ்ணன்.
2021 ஜனவரியில், சூடானில் பாதிக்கப்பட்டவரின் குடும்பம் கிருஷ்ணனுக்கு மன்னிப்பு வழங்க ஒப்புக்கொண்டது. இதனையடுத்து, அந்த நபரின் விடுதலையைப் பெறுவதற்காக யூசுப் அலி நீதிமன்றத்தில் 500,000 திர்ஹாம் (தோராயமாக ரூ. ஒரு கோடி) இழப்பீடாக வழங்கினார் என்று லூலூ குழு ஒரு அறிக்கையில் தெரிவித்துள்ளது.
அபுதாபியில் உள்ள அல் வாட்பா சிறையில் உள்ள பெக்ஸ் கிருஷ்ணன் இந்திய தூதரக அதிகாரிகளிடம் பேசும் போது இது எனக்கு ஒரு மறுபிறப்பு, வெளி உலகத்தைப் பார்க்கும் நம்பிக்கையை நான் இழந்துவிட்டதால், இது ஒரு இலவச வாழ்க்கை ஒருபுறம் இருக்கட்டும். எனது குடும்பத்தை சந்திக்க பறப்பதற்கு முன்பு ஒரு முறை யூசுப் அலியைப் பார்க்க வேண்டும் என்பதே எனது ஒரே ஆசை என்று கூறி உள்ளார்.
