பயங்கரவாதத் தடுப்புச் சட்டத்தின் கீழ் கைது செய்யப்பட்டு தடுப்புக்காவலில் வைக்கப்பட்டுள்ள . சமகி ஜன பலவேகய கட்சியின் வன்னி மாவட்ட நாடாளுமன்ற உறுப்பினர் ரிஷாத் பதியுதீன் மற்றும் அவரது சகோதரர் ரியாஜ் பதியுதீன் ஆகியோரின் அடிப்படை உரிமை மீறல்தொடர்பான மனுக்களை விசாரிப்பதில் உச்ச நீதிமன்ற நீதிபதி ஏ.எச்.எம்.டி. நவாஸ் இன்று (23) விலகுவதாக நீதிமன்றத்திற்கு தெரிவித்துள்ளார்.
இந்த மனுக்களை ரிஷாத் பதியுதீன் மற்றும் அவரது சகோதரர் ரியாஜ் பதியுதீன் ஆகியோர் தனித்தனியாக தாக்கல் செய்தனர், தாங்கள் பயங்கரவாத தடுப்பு சட்டத்தின் கீழ் கைது செய்யப்பட்டு தடுத்து வைக்கப்பட்டிருப்பது சட்டவிரோதமானது என்று அவர்கள் மனுவில் குறிப்பிட்டுள்ளனர் வழக்கு விசாரனை ப்ரீத்தி பத்மான் சூரசேன, ஏ.எச்.எம்.டி. நவாஸ் மற்றும் அச்சல வெங்கப்புலி ஆகிய மூன்று நீதிபதிகள் கொண்ட குழுவினர் முன் உச்சநீதிமன்றத்தில் விசாரனைக்கு எடுத்துக்கொள்ளப்பட்டது.
மூன்று நீதிபதிகள்கொண்ட குழுவின் உறுப்பினர் நீதிபதி ஏ.எச்.எம்.டி நவாஸ், தனிப்பட்ட காரணங்களுக்காக மனுக்களை பரிசீலிப்பதில் இருந்து விலகுவதாக தெரிவித்தார்.
இதன் விளைவாக, உச்சநீதிமன்றம் இந்த வழக்கை எதிர்வரும் ஜூலை 6 ஆம் திகதிக்கு ஒத்திவைத்தது.
அதன்படி, இந்த மனுக்களை விசாரிப்பதில் இருந்து விலகிய மூன்றாவது உச்ச நீதிமன்ற நீதிபதி ஏ.எச்.எம்.டி நவாஸ் ஆவார்.
முன்னதாக, உச்சநீதிமன்ற நீதிபதிகளான ஜனக் டி சில்வா மற்றும் யசந்த கோதாகொட ஆகியோரும் தனிப்பட்ட காரணங்களுக்காக மனுக்களை விசாரிப்பதில் இருந்து விலகினர்.
இந்த மனுக்கள் மே 28 அன்று விசாரணைக்காக எடுத்துக்கொள்ளப்பட்ட போது, மூன்று நீதிபதிகள் கொண்ட குழுவின் உறுப்பினராக இருந்த உச்சநீதிமன்ற நீதிபதி ஜனக் டி சில்வாவும் தனிப்பட்ட காரணங்களுக்காக மனுவை விசாரிப்பதில் இருந்து விலகினார்.
மேலும், ஜூன் 4 ம் திகதி மனுக்கள் விசாரணைக்குக்கு எடுத்துக்கொள்ளப்பட்டபோது, மூன்று நீதிபதிகள் கொண்ட குழுவில் இருந்த உச்சநீதிமன்ற நீதிபதி யசந்த கோதாகொட நீதிமன்றத்தில், தனிப்பட்ட காரணங்களுக்காக மனுவை விசாரிப்பதில் இருந்து விலகுவதாக தெரிவித்தார்.
அரசாங்கத்திற்கு எதிராக பேராயர் மல்கம் கார்டினல் நடத்திய போராட்டத்தைத் தொடர்ந்து ரிஷாத் பதியுதீன் மற்றும் அவரது சகோதரர் நீதிமன்றத்தில் ஆஜர்படுத்தப்படாமல் ஒரு மாதத்திற்கும் மேலாக சிஐடியால் தடுத்து வைக்கப்பட்டுள்ளனர்.
ஈஸ்டர் ஞாயிறு பயங்கரவாதத் தாக்குதல் தொடர்பாக விசாரிப்பதற்காக பயங்கரவாதத் தடுப்புச் சட்டத்தின் (பி.டி.ஏ) கீழ் கைது செய்து தடுத்து வைத்துள்ளதாக முன்னாள் அமைச்சர் ரிஷாத் பதியுதீன் உச்சநீதிமன்றத்தில் அடிப்படை உரிமை மனு ஒன்றை தாக்கல் செய்துள்ளார்.
இந்த மனுவில் பொது பாதுகாப்பு அமைச்சர், ஐ.ஜி.பி, சி.ஐ.டி பணிப்பாளர், சி.ஐ.டி-க்கு பொறுப்பான சிரேஸ்ட டி.ஐ.ஜி, சி.ஐ.டி யின் ஓ.ஐ.சி மற்றும் சட்டமா அதிபர் ஆகியோர் பிரதிவாதிகளாக பெயர் குறிப்பிடப்பட்டுள்ளனர்
சட்டத்தரணி கவுரி சங்கரி தவரசாவின் அறிவுறுத்தலின் பேரில் மனுதாரருக்கு ஜனாதிபதி சட்டத்தரணி ஃபைஸர் முஸ்தபா ஆஜரானார்.
மனுதாரர் ரிஷாத் பதியுதீன் தனது மனுவில் ஏப்ரல் 24 காலை தனது வீட்டிற்குள் நுழைந்த சிஐடி அதிகாரிகள் குழுவினரால் கைது செய்யப்பட்டதாக தெரிவித்துள்ளார்.
தனது மனுவில், ரிஷாத் பதியுடீன், கொலோசஸ் (பிரைவேட்) லிமிடெட் என்ற நிறுவனத்துடனான தனது உறவை கேள்விக்குட்படுத்த விரும்புவதாகக் கூறினார், அங்கு அவரை சிஐடி அதிகாரிகள் தெரிவித்தனர்.
பயங்கரவாதத் தடுப்புச் சட்டத்தின் கீழ் வழங்கப்பட்டுள்ள தடுப்புக்காவல் உத்தரவின் பேரில் சிஐடியால் தடுத்து வைக்கப்பட்டுள்ளதாக அவர் மேலும் தெரிவித்தார்.
அதன்பிறகு தனது சகோதரரும் கைது செய்யப்பட்டதாக அவர் தெரிவித்தார்.
கைது செய்யப்பட்டதற்கு எந்த நியாயமும் இல்லை என்று கூறிய ரிஷாத் பதியுதீன், சிறுபான்மை அரசியல் கட்சியின் தலைவரான தன்னை தர்மசங்கடத்திற்குள்ளாக்கவும் பழிவாங்கவும் முயன்றதாக குற்றம் சாட்டினார்.
ஈஸ்டர் ஞாயிறு பயங்கரவாத தாக்குதல்களில் எந்தவொரு தொடர்பும் தனக்கு இல்லை என்று அவர் மறுத்துள்ளார்.
அதன்படி, சிஐடியால் கைது செய்யப்பட்டிருப்பதானது தனது அடிப்படை உரிமைகளை மீறுவதாகும் என தீர்ப்பு வழங்குமாறும் நிபந்தனையின்பேரில் தன்னை விடுவிக்க இடைக்கால உத்தரவு பிறப்பிக்குமாறும் ரிஷாத் பதியுதீன் உச்ச நீதிமன்றத்தை கோரியுள்ளார்.
இன்று நாடாளுமன்றத்தில் பேசிய எதிர்க்கட்சியின் பிரதான கொரடா லக்ஷ்மன் கிரியெல்ல, மனு விசாரணையில் இருந்து நீதிபதிகள் விலகியுள்ளதாக தெரிவித்தார்.
