பிரேஸில் நாட்டைச் சேர்ந்த பிரபல கால்பந்து ஜாம்பவான் பீலே, உடல் நலக்குறைவால் நேற்றிரவு (வியாழக்கிழமை) காலமானார்.
பிரேஸில் நாட்டை சேர்ந்த வயது 82 வயதுடைய பிரபல கால்பந்து வீரரான பீலேவுக்கு, கடந்த வருடம் பெருங்குடலில் அறுவை சிகிச்சை செய்யப்பட்டு புற்றுநோய் கட்டி அகற்றப்பட்டது.
எனினும், கடந்த சில நாட்களாக அவரது உடல்நலம் பலவீனமடைந்துள்ளது.
இதனையடுத்து, பிரேஸிலின் சாவ் பொல்ஹொ பகுதியில் உள்ள வைத்தியாலையில் கடந்த மாதம் இறுதியில் சேர்க்கப்பட்டார்.
எனினும், புற்றுநோய் வேகமாக பரவியதால், நுரையீரல், இதய செயல் இழப்பு தொடர்பான சிகிச்சைகளுக்கான அதிநவீன பிரிவில் அனுமதிக்கப்பட்டிருந்த நிலையில், இதயம் மற்றும் சிறுநீரகம் தீவிரமாக பாதிக்கப்பட்டிருந்தது.
இந்நிலையிலேயே சிகிச்சை பலனின்றி கால்பந்து ஜாம்பவான் பீலே உயிரிழந்ததாக அவரது மகள் தனது இன்ஸ்டாகிராம் பக்கத்தில் தெரிவித்துள்ளார்.
21 வருட காலப்பந்து பயணத்தில் அவர், ஆயிரத்து 363 போட்டிகளில் ஆயிரத்து 281 கோல்களை அடித்ததன் மூலம் உலக சாதனை படைத்தார்.
1958, 1962 மற்றும் 1970 ஆகிய ஆண்டுகளில் உலகக் கோப்பையை மூன்று முறை வென்ற ஒரே வீரர், பீலே 2000 ஆம் ஆண்டில் ஃபிஃபாவின் நூற்றாண்டின் சிறந்த வீரராக தேர்ந்தெடுக்கப்பட்டார்.
