மத்திய கிழக்கில் வாழும் இலங்கையர்களுக்கான முக்கிய அறிவிப்பு!

மத்திய கிழக்கில் நிலவும் மோதல் நிலை காரணமாக அங்கு வாழும் இலங்கையர்களின் அவசர உதவிகளுக்காக தொலைப்பேசி

வசதியொன்றை  வௌிவிவகார அமைச்சின் தூதரக விவகாரப் பிரிவு அறிமுகப்படுத்தியுள்ளது.

அதன்படி, 0094711 757 536   அல்லது  0094711 466 585 என்ற இலக்கங்கள் அறிமுகப்படுத்தப்பட்டுள்ளதாக வௌிவிவகார அமைச்சு தெரிவித்துள்ளது.

இதற்கு மேலதிகமாக, வெளிவிவகார அமைச்சின் கொன்சியூலர் அலுவல்கள் பிரிவின் +94 112 338 837 என்ற தொலைபேசி இலக்கத்திற்கு அலுவலக நேரத்தில் அழைப்புகளை மேற்கொள்ள முடியும் என வெளிவிவகார அமைச்சு தெரிவித்துள்ளது.

மத்திய கிழக்கில் உள்ள இலங்கையர்கள், This email address is being protected from spambots. You need JavaScript enabled to view it. என்ற மின்னஞ்சல் மூலம் தூதரக விவகாரப் பிரிவுக்கு தகவல்களை வழங்க முடியும்.

இதேவேளை, மத்திய கிழக்கில் உள்ள இலங்கையர்கள் அபாயகரமான பகுதிகளுக்கு பயணிக்க வேண்டாம் என குறித்த அறிக்கையின் மூலம் வெளிவிவகார அமைச்சு மேலும் கோரியுள்ளது.

மத்திய கிழக்கில் உள்ள இலங்கையர்கள் இஸ்ரேலின் டெல் அவிவ் மற்றும் பாலஸ்தீனத்தின் ரமல்லாவில் உள்ள இலங்கை தூதரகங்களின் உறுப்பினர்களுடன் தொடர்ந்து தொடர்பில் இருக்குமாறும் வெளிவிவகார அமைச்சு கேட்டுக்கொள்கிறது.