இன்று (27) காலை வாத்துவ தல்பிட்டிய பிரதேசத்தில் முச்சக்கர வண்டி ஒன்று ரயிலில் மோதி விபத்துக்குள்ளானது.

சர்வதேச நாணய நிதியத்தில் இருந்து பெறப்படும் பணத்தின் ஒரு பகுதி அரசாங்க ஊழியர்களின் சம்பளம், ஓய்வூதியம் மற்றும் கொடுப்பனவுகளை மார்ச் மற்றும் ஏப்ரல் மாதங்களில் வழங்குவதற்கு பயன்படுத்தப்பட்டுள்ளதாக வெகுஜன ஊடக அமைச்சர் பந்துல குணவர்தன தெரிவித்துள்ளார்.

அந்த கொடுப்பனவுகளுக்கு அரசாங்கத்தின் வருமானம் போதாது என அமைச்சர் சுட்டிக்காட்டியுள்ளார்.

காலி மாவட்டத்திற்கான பஸ் விநியோக வேலைத்திட்டத்தில் கலந்துகொண்டு கருத்து தெரிவிக்கும் போதே வெகுசன ஊடக அமைச்சர் பந்துல குணவர்தன இவ்வாறு தெரிவித்தார்.

இலங்கை அடுத்த 25 வருடங்களுக்குள் இந்து சமுத்திரத்தின் ஏனைய நாடுகள் மற்றும் தெற்காசியாவுடன் இணைந்து பயணித்து மிகப்பெரிய அபிவிருத்தி இலக்குகளை அடைந்துகொள்ளும் என ஜனாதிபதி ரணில் விக்கிரமசிங்க நம்பிக்கை தெரிவித்தார்.

மேற்படி, 25 வருடகால புதிய மறுசீரமைப்பு வேலைத்திட்டத்தின் இலக்குகளை நோக்கி அரசாங்கம் நாட்டை கொண்டுச் செல்லும் என எடுத்துரைத்த ஜனாதிபதி ரணில் விக்கிரமசிங்க நாட்டை முன்னேற்றுவதற்கான தொடர்ச்சியான வேலைத்திட்டங்களில் இணைந்துகொள்ளுமாறு புலம்பெயர் மற்றும் இந்நாட்டின் இளம் சமுதாயத்தினருக்கு அழைப்பு விடுத்தார்.

ஹார்வட் பல்கலைக்கழகத்தின் ஏற்பாட்டில் கடந்த 24 ஆம் திகதி நடைபெற்ற நேர்காணல் ஒன்றில் சூம் தொழில்நுட்பம் ஊடாக கலந்துகொண்ட போதே ஜனாதிபதி ரணில் விக்கிரமசிங்க மேற்கண்டவாறு தெரிவித்தார்.

காலனித்துவ ஆட்சியிலிருந்து விடுதலை பெற்று 100 வருடங்கள் பூர்த்தி ஆகின்ற 2048 ஆம் ஆண்டில் இலங்கை நடுத்தர வருமானம் ஈட்டும் நாடாக மாறும் எனவும் அவை அனைத்தும் பொருளாதார மறுசீரமைப்புக்கான அர்பணிப்பிலேயே தங்கியுள்ளதெனவும் சுட்டிக்காட்டிய ஜனாதிபதி அதற்காக நமது மூலோபாய அமைவிடத்தை பயன்படுத்திக்கொள்ள வேண்டும் எனவும் தெரிவித்தார்.

நாம் பலமான ஜனநாயக கட்டமைப்பினையும் திறந்த பொருளாதாரத்தையும் கொண்டுள்ள சிறியதொரு நாடு என்ற வகையில் அரசியல் ஸ்திரத் தன்மையை பேணி வருகின்ற அதேநேரம் எமது அயல்நாடும் நீண்ட கால உறவை பேணிவரும் நாடுமான இந்தியாவை வலயத்தின் பாதுகாவலனாக கருதுகிறோம் எனவும் சுட்டிக்காட்டினார்.

பழமையான பொருளாதார கொள்கைகளுடன் புத்துயிர் பெற்றுவருகின்ற ஆசிய வலயம் மற்றும் இந்தியாவின் அபிவிருத்திச் செயற்பாடுகளோடு கைகோர்த்துக்கொண்டு பொருளாதாரத்தை கட்டியெழுப்பும் பணிகளில் இலங்கை முன்நின்று செயற்டுவதாகவும் ஜனாதிபதி ரணில் விக்கிரமசிங்க அவர்கள் தெரிவித்தார்.

இந்தியாவுடன் காணப்படுகின்ற சுதந்திர வர்த்தக ஒப்பந்தத்தை பொருளாதார ஒத்துழைப்பு மற்றும் தொழில்நுட்ப ஒப்பந்தமாக மாற்றியமைத்துக்கொள்வது சிறந்தது என்றும் ஆசியாவின மீக நீண்ட பொருளாதார கூட்டிணைவுடன் பொருளாதார ஒப்பந்தங்களை கைசாத்திடுவதால் உலகின் மிகப்பெரிய பொருளாதார குழுவுடன் முன்னோக்கிச் செல்வதற்கான வாய்ப்பு கிட்டும் என்றும் வலியுறுத்தினார்.

இதன்போது, அடுத்த 25 வருடங்களுக்குள் செழிப்பான மற்றும் வலுவான நாடாக இலங்கையை கட்டியெழுப்புவதற்காக உத்தேசிக்கப்பட்டுள்ள சமூக பொருளாதார மற்றும் அரசியல் மறுசீரமைப்புக்கள் தொடர்பில் ஜனாதிபதியவர்கள் விரிவான கருத்துக்களை தெரிவித்தோடு, இலங்கையின் இன வேறுபாட்டு பிரச்சினைகளுக்கு தீர்வு காண்பதற்காக அனைத்து இன மக்களுக்கும் சம அந்தஸ்த்து மற்றும் வளங்களை பெற்றுக்கொடுக்க வேண்டியதன் அவசியத்தையும் உள்ளக பேச்சுவார்த்தைகள், நெருக்கமான புரிந்துணர்வு மற்றும் இனக் குழுக்கள் இடையிலான பல்வகைத் தன்மையை புரிந்துகொள்வதன் மூலம் தேசிய ஒற்றுமையை மேம்படுத்த முடியும் என்றும் வலியுறுத்தினார்.

அத்தோடு, செல்வதந்த நாடுகளின் மோதல் இலங்கைக்கு திறக்கப்படவுள்ள இந்திய மற்றும் ஆபிரிக்க வலயத்தின் பொருளாதார சந்தை வாய்ப்புக்களுக்கு தடையாக அமையாது என்றும் ஜனாதிபதியவர்கள் வலியுறுத்தினார்.

54 போத்தல் கசிப்புடன் பெண் ஒருவர் கைது செய்யப்பட்டுள்ளார்.

ஒரு கோப்பை பால் தேநீரின் விலை நாளை (27) முதல் 90 ரூபாவாக குறைக்கப்படுவதாக சிற்றுண்டிச்சாலை உரிமையாளர்கள் சங்கத்தின்

நாட்டில் ஏற்பட்ட பொருளாதார சரிவினை தொடர்ந்து அத்தியவசிய மற்றும் ஏனைய பொருட்களின் விலைகள் என்றுமில்லாதவாறு பல

பேலியகொட மெனிங் பொதுச் சந்தையில் மரக்கறிகளின் வரவு அதிகரிப்பு மற்றும் விவசாயிகளிடமிருந்து குறைந்த விலையில் மரக்கறி

எதிர்காலத்தில் பேருந்து கட்டணங்கள் குறையலாம் என போக்குவரத்து அமைச்சர் பந்துல குணவர்தன தெரிவித்துள்ளார்.

பல்லேகெல சிறைச்சாலையில் இருந்து தப்பிச் செல்லும் போது மகாவலி ஆற்றில் விழுந்து நீரில் மூழ்கி உயிரிழந்த கைதியின் சடலம்

பண்டிகைக் காலங்களில் வீதி அபிவிருத்தி அதிகார சபைக்கு சொந்தமான வீதியோரங்களில் பொருட்களை விற்பனை செய்வதற்கு

69 இலட்சம் என எதிர்பார்க்கப்படும் இலக்கை நோக்கி நாட்டை கொண்டு செல்வதற்கு மேலும் உறுதிமொழி எடுப்போம் என நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்க கூறினார்.

அந்த ஆணையை பாதுகாக்க ஜனாதிபதி தலைமையிலான அரசாங்கம் அர்ப்பணிப்புடன் இருப்பதாக அமைச்சர் கூறினார்.

மக்களின் பிரச்சினைகளை தீர்ப்பதற்கு ஜனாதிபதி தலைமையிலான அரசாங்கம் சகல நடவடிக்கைகளையும் மேற்கொண்டு வருவதாக சுட்டிக்காட்டிய அமைச்சர், எதிர்க்கட்சிகளுக்கு விமர்சிக்க மட்டுமே தெரியும் எனவும், நாட்டை மீட்பதற்கான எந்த திட்டமும் அவர்களிடம் இல்லை எனவும் வலியுறுத்தினார்.

கம்பஹா, கரசனாகல, பஸ்னாகொட நீர் விநியோகத் திட்டத்தின் முதற்கட்ட நிகழ்வில் நேற்று (25) கலந்து கொண்டு அமைச்சர் பிரசன்ன ரணதுங்க இதனைக் குறிப்பிட்டார். இந்நிகழ்வு கம்பஹா, கலல்பிட்டிய பிரதேசத்தில் இடம்பெற்றது.

பஸ்ஸயால எல்லலமுல்ல, முஹந்திரம்வத்த மற்றும் கலல்பிட்டிய தாதுகந்த பிரதேசங்களில் பயனாளி குடும்பங்களுக்கு புதிய நீர் இணைப்புகள் அமைச்சர் தலைமையில் வழங்கப்பட்டன.

இந்த நீர் வழங்கல் திட்டத்தின் மூலம் கம்பஹா மாவட்டத்தின் 440 கிராம சேவைப் பிரிவுகளில் உள்ள சுமார் நான்கு இலட்சம் மக்களின் குடிநீர்த் தேவையை பூர்த்தி செய்ய முடியும். இதற்காக செலவிடப்பட்ட மொத்தத் தொகை 33,060 மில்லியன் ரூபாவாகும்.

இந்த நீர் வழங்கல் திட்டத்தின் முதல் கட்டத்தின் கீழ் அத்தனகல்ல, பஸ்ஸயால வரை 5,000 புதிய நீர் இணைப்புகள் வழங்கப்படவுள்ளதுடன், அதன் இரண்டாம் கட்டத்தின் கீழ் நிட்டம்புவ, மினுவாங்கொடை மற்றும் கம்பஹாவைச் சுற்றியுள்ள பல பிரதேசங்களை உள்ளடக்கியதாக இருக்கும். இந்த குடிநீர் திட்டத்தின் இரண்டாம் கட்ட கட்டுமானப் பணிகள் வரும் ஒக்டோபர் மாதத்திற்குள் நிறைவடையும் என எதிர்பார்க்கப்படுகிறது. மேலும், புதிய குடிநீர் இணைப்புகளை 12 தவணைகளில் பணத்தைச் செலுத்தும் வகையில் மக்களுக்கு வசதியாகத் திட்டம் தீட்டுமாறு அதிகாரிகளுக்கு அமைச்சர் உத்தரவிட்டார்.

மகிந்த ராஜபக்ச ஜனாதிபதியாக இருந்த போது அப்போதைய பொருளாதார அபிவிருத்தி அமைச்சர் பசில் ராஜபக்ஷ மற்றும் மேல் மாகாண முதலமைச்சர் பிரசன்ன ரணதுங்க ஆகியோரால் இந்த நீர் வழங்கல் திட்டம் ஆரம்பிக்கப்பட்டது. ஆனால் நல்லாட்சி அரசாங்கம் ஆட்சிக்கு வந்த பின்னர் அதன் செயற்பாடுகள் பாதியிலேயே நிறுத்தப்பட்டன. தற்போதைய அரசாங்கம் ஆட்சிக்கு வந்த பின்னர் 2021 இல் மீண்டும் இந்த நீர் வழங்கல் திட்டம் ஆரம்பிக்கப்பட்டது.

அத்தனகல்ல, மீரிகம, மினுவாங்கொடை, மஹர, தொம்பே உள்ளிட்ட பல பிரதேசங்களை உள்ளடக்கிய இந்த நீர் திட்டத்தின் கீழ் கம்பஹா, அத்தனகல்ல - மினுவாங்கொட கூட்டு நீர் வழங்கல் திட்டம் நடைமுறைப்படுத்தப்படவுள்ளது. நீர்ப்பாசனத் திணைக்களம் மற்றும் தேசிய நீர் வழங்கல் வடிகாலமைப்பு சபை ஆகியவற்றின் ஒத்துழைப்புடன் நீர்ப்பாசன அமைச்சின் தலைமையில் இத்திட்டம் நடைமுறைப்படுத்தப்படுகிறது.

மேலும் கருத்து தெரிவித்த அமைச்சர் பிரசன்ன ரணதுங்க, ஸ்ரீலங்கா பொதுஜன பெரமுன உழைக்கும் மக்களைக் கொண்ட அரசியல் கட்சியாகும். உங்கள் கிராமத்தைப் பாருங்கள். கிராமத்தில் சாலை அமைத்தால், குடிநீர் பிரச்சினைக்கு தீர்வு கிடைத்தால், கிராமத்தில் ஏதாவது பணிகள் நடந்தால், அது மொட்டுவின் வேலை தான். எங்கள் கட்சியை சேர்ந்த பாராளுமன்ற உறுப்பினர்கள் அனைவரும் கிராம மக்களுக்காக உழைத்தவர்கள். இன்று விளையாடுபவர்களைப் பற்றி தெரிந்து கொள்ளுங்கள். கிராமத்திற்கு என்ன செய்தார்கள்? கிராமத்துக்காக உழைத்த ஒரு குழு எங்கள் கட்சியில் உள்ளது. மேலும் நாங்கள் கொலை செய்யாத கட்சி. உங்களுக்கு 71, 88 ,89 மற்றும் 83 கறுப்பு ஜூலை நினைவிருக்கும். அப்போது அரசும், போராட்டக்காரர்களும் கொல்லப்பட்டனர். நாங்கள் அதை ஒருபோதும் செய்ததில்லை. ஜனாதிபதி கோட்டாபய ராஜபக்ஷவுக்கும் போராட்டக்காரர்களைச் சுடும் வாய்ப்பு கிடைத்தது. ஆனால் அப்படிச் செய்யவில்லை. அதனால்தான் எங்கள் கட்சி மக்களைக் கொல்லவில்லை என்று கூறினேன்.

கடந்த காலத்தில் நாட்டில் போராட்டத்திற்கு சென்றவர்கள் ஏராளம். பொருளாதாரச் சிக்கல் காரணமாக அந்த மக்கள் அதற்குச் சென்றனர். நாங்கள் அதற்கு குற்றம் சொல்லவில்லை. எங்களுக்கும் அந்த பிரச்சினை இருந்தது. அந்த மக்கள் அமைதியாகப் போராடி ஆட்சியைக் கவிழ்க்க வரவில்லை. தங்களின் பிரச்சினைகளுக்கு தீர்வு காண அரசாங்கத்திடம்டம் கூற வேண்டும் என கோரிக்கை விடுத்தனர். இந்த பொருளாதார நெருக்கடி ஓரிரு வருடங்களில் ஏற்பட்டதல்ல.

ராஜபக்‌ஷாக்களை அரசியலில் இருந்து அகற்ற நினைத்த அரசியல் கட்சிகளும், போதைப்பொருள் வியாபாரிகளும், மக்களும் போராட்டத்தை நடத்தினார்கள். அவர்கள் அவர்களுக்கே இடையூறு செய்தனர். செலவுகளைச் செய்தார்கள். போராட்டத்தை கையில் எடுத்தார்கள். ஜனநாயக ரீதியில் ஆட்சிக்கு வர முடியாத மக்கள் ஒன்று கூடி போராட்டம் என்ற பெயரில் எங்கள் பாராளுமன்ற உறுப்பினர்களை அடித்தனர். பாராளுமன்ற உறுப்பினர்கள் கொல்லப்பட்டனர். பாராளுமன்ற உறுப்பினர்களின் வீடுகளுக்கு தீ வைக்கப்பட்டது. அந்த விஷயங்கள் ஒழுங்கமைக்கப்பட்டவை. 225 பேரும் ஒரே மாதிரி இருந்திருந்தால், எல்லோரும் அதையே செய்திருக்கலாம். ஆனால் அவர்கள் செய்யவில்லை. புயல்கள் வருகின்றன. தென்னை மரங்கள் வளைந்தன. மீண்டும் நேராக்குகிறது. நாமும் அப்படித்தான்.

ஒரு வருடத்திற்கு முன்பு, மக்கள் எரிபொருட்களுக்கு வரிசையில் காத்திருந்தனர். 7-8 மணி நேரம் மின்சாரம் துண்டிக்கப்பட்டது. எரிவாயு தீர்ந்துவிட்டது. நாங்கள் அவைகளை மறக்க மாட்டோம். நாங்கள் அதை நினைவில் வைத்திருக்கிறோம். ஆனால் இன்று இந்த ஒரு வருட காலப்பகுதியில் பொருளாதாரத்தை நிர்வகிப்பதன் மூலம் நாட்டை அந்த நிலையில் இருந்து விடுவித்து சரியான பாதையில் கொண்டு செல்ல முடிந்துள்ளது. அதற்காக ஜனாதிபதி தலைமையிலான அரசாங்கம் செயற்பட்டு வருகின்றது.

சுற்றுலாப் பயணிகள் நாட்டிற்கு வரும்போது, ​​நாடு முழுவதும் உள்ள இடங்களுக்குச் சென்று போராட்டக்காரர்கள் போராட்டங்கள் நடத்துகின்றனர். அவர்கள் இந்த பொருளாதாரத்தை சிதைக்க விரும்புகிறார்கள். இன்று, ஆசிரியர்கள் வேலைநிறுத்தத்தில் ஈடுபட்டுள்ளனர், பிள்ளைகளை பிணைக் கைதிகளாக பிடித்துக் கொள்கின்றனர். கொழும்பிலுள்ள பெரியாட்களின் பிள்ளைகள் வெளிநாட்டில் படிக்கின்றனர். அல்லது தனியார் பள்ளிகளில் படிக்கின்றனர். இதே ஆசிரியர்கள்தான் அந்த பிள்ளைகளுக்கு டியூஷன் கொடுக்கிறார்கள். அதை அவர்கள் நிறுத்தவில்லை. ஆனால் அந்த கிராமத்தின் அப்பாவி பிள்ளைகளுக்கு பாடம் கற்பிக்காமல் போராட்டம் நடத்தி வருகின்றனர். பல வருடங்களாக பிள்ளைகளுக்குப் பள்ளியில் பாடம் சொல்லிக் கொடுக்காதவர்கள், அரசியல் நோக்கங்களுக்காக வேலை செய்பவர்கள் பிள்ளைகளை பணயக் கைதிகளாக பிடித்து வைத்துள்ளனர். அப்படியானால் அந்தக் பிள்ளைகளின் மனித உரிமைகள் மீறப்படவில்லையா? அதற்கு எதிராக கடுமையாக உழைக்க வேண்டியது அவசியம். கடந்த காலத்தில் நாம் செய்த தவறுகளை திருத்திக் கொள்ள வேண்டும்.

நாட்டின் ஜனநாயகத்தைப் பாதுகாக்க, நாட்டில் சட்டம் ஒழுங்கு நிலைநாட்டப்பட வேண்டும். கடந்த ஆண்டு பெப்ரவரியில் அது இல்லாமல் போய்விட்டது. போலீசார் தாக்கப்பட்டனர். அவர்களால் வேலை செய்ய முடியவில்லை. நாட்டில் அமைதியும் சட்டமும் இழக்கப்பட்டன. இன்று நாட்டில் அமைதியும் சட்டமும் நிலைநாட்டப்பட்டுள்ளது. அதன் பிறகே பொருளாதார நெருக்கடிக்கு தீர்வு காண வேண்டும். அதற்காக உழைத்து வருகிறோம். அதற்கு அரசு என்ற வகையில் உறுதியான முடிவுகளை எடுக்க வேண்டும். ஜனாதிபதி கோட்டாபய ராஜபக்ஷவிடம் எமது பிக்குவின் தலைவர் ஹிட்லராக மாறுங்கள் என்று கூறியதாக ஞாபகம். நீங்கள் ஹிட்லராக இருக்க வேண்டிய அவசியமில்லை, தேவையான முடிவுகளை எடுத்து நடவடிக்கை எடுக்க வேண்டும்.

இன்று குறிப்பிட்ட அரசியல் கட்சிகளின் தலைவர்களின் பிள்ளைகள் வெளிநாடுகளில் படிக்கின்றனர். அனுரகுமாரவின் மகன் மிஹின் லங்காவில் இருக்கிறார். மகிந்த ராஜபக்சவுடன் ஒப்பந்தம் செய்து தனது மகனை சிறீலங்கனுக்கு அனுப்பினார். இப்போது அவரது மகன் வெளிநாட்டில் இருக்கிறார். அதைச் செய்துவிட்டு, கிராமத்து குழந்தைகளை தெருவில் இறக்கிவிட வேலை செய்கிறார். அதனை எதிர்கொள்ளக்கூடிய அரசாங்கம் இன்று உருவாக்கப்பட்டுள்ளது.

கட்சி இரண்டாம் இடத்துக்கு தள்ளப்பட்டது. நாட்டில் பொருளாதார நெருக்கடி ஏற்பட்ட போது, ​​அந்த சவாலை அனுரகுமார திஸாநாயக்கவோ அல்லது சஜித் பிரேமதாசவோ ஏற்றுக்கொள்ளவில்லை. தினமும் பாராளுமன்றத்தில் கூச்சல் போடுகிறார்கள். இவர்கள் தூதுவர்களை சந்தித்து ஐ.எம்.எப் கொடுக்க வேண்டாம் என்று கூறினர். ஆனால், எங்களிடம் அரசியல் இல்லாததால் அதை செய்ய முடியாது என்று அந்த தூதுவர்கள் கூறினர். அப்படியானால் கடுமையான நிபந்தனைகள் போடுங்கள் என்றனர். நிபந்தனைகளை அமைப்பது யார்? வேறு யாருக்காகவும் அல்ல, அந்த நாட்டு மக்களுக்காக. ரணில் விக்கிரமசிங்க நாட்டின் சவாலை ஏற்றுக்கொண்ட தலைவர் என்பதாலேயே அவர்களுக்கு நிபந்தனையின்றி உதவுகிறோம். ஒரு வருடத்திற்குள் அதைச் செய்தார். எதிர்காலத்தில் எதிர்பார்க்கப்படும் இலக்கான 69 இலட்சத்திற்கு நாட்டைக் கொண்டு செல்வதற்கு நாங்கள் உறுதி பூண்டுள்ளோம்" என்றார் அவர்.

நீர் வழங்கல் இராஜாங்க அமைச்சர் சனத் நிஷாந்த, கம்பஹா மாவட்ட பாராளுமன்ற உறுப்பினர்களான சஹன் பிரதீப், கோகிலா குணவர்தன, உபுல் மகேந்திர ராஜபக்ஷ, முன்னாள் மாகாண சபை உறுப்பினர்களான சந்தியா சிறிவர்தன, ஜனக குருப்பு, தேசிய நீர் வழங்கல் சபையின் தலைவர் நிஷாந்த ரணதுங்க மற்றும் ஏராளமான அரச அதிகாரிகள் மற்றும் பிரதேச மக்கள். இந்நிகழ்வில் கலந்து கொண்டனர்.

29 இலட்சம் குடும்பங்களுக்கு இலவச அரிசி வழங்கும் திட்டம் நாளை (27) ஆரம்பிக்கப்படவுள்ளதாக விவசாய அமைச்சர் மஹிந்த அமரவீர